އެކުޓިވިޓީ 5

ސުރުޚީ: ބަހުސް ކުރުން (ރަށުގެ ޗަކަބިން ފައިދާ ހުރިގޮތުގައި ބޭނުން ހިފިދާނެތޯ ނުވަތަ ނޫންތޯ) 

ގްރޭޑް: 9 

މަޤުޞަދު: - ދުނިޔޭގެ ކަންތައްތަކާމެދު ތަފާތު ނަޒަރު ތަކުން ވިސްނައިގެން ބަހުސްކުރާނެ ޕޮއިންޓުތަކެއް ނެގުން.

-         ތަފާތު ނަޒަރުތަކުން ވިސްނުމުގެ ޤާބިލިއްޔަތު ލިއްބައިދިނުން.

-         ބިނާ ކުރުވަނިވި ޚިޔާލުތަކެއްގެ މައްޗަށް ބަހުސްކުރުން.

ގެންދާނެ ގޮތް:

-         ކޮންމެ ގުރޫޕެއްގައި 6 ކުދިން ހިމެނޭ ގޮތަށް ކުލާސް 4 ގްރުޕަކަށް ބަހާލުން.

-         ކުދިންނަށް ރަށުގެ ޗަކަބިން ހިމެނޭ ސަރަހައްދުގެ ވީޑިޔޯއެއް ދައްކާލުން. ކޮންމެ ކުއްޖަކުވެސް ލޯމަރާލުމަށްފަހު އެއްމިނިޓުވަންދެން ވީޑިޔޯއާއިމެދު ވިސްނާލުމަށް ބުނެ ވަގުތު ކޮޅެއްދިނުން.

-         މިވީޑިޔޯގެ އެހީގައި ބަހުސްކުރަން އުޅޭކަމަށްބުނެ ސުރުޚީ ކިޔައިދިނުން.

-         ޗަކަބިން ސަރަހައްދާ ބެހޭގޮތުން ކުދިންނާ މުދައްރިސާ ދެމެދު ވާހަކަދައްކާ މަޝްވަރާ ކުރުން.

-         ތަފާތު ގޮތްގޮތަށް ވިސްނައިގެން ބަހުސްކުރާނެ ޕޮއިންޓު ނޯޓުކުރުމަށް ގޮރޫޕުތަކަށް 8 މިނިޓު ދިނުން.

-         ނޯޓުކުރެވުނު ޕޮއިންޓުތައް މުދައްރިސު ކުޑަކޮށް މަތިމަތިން ބަލާލުން. އަދި ޚިޔާލެއް ދޭން އޮތްނަމަ ޚިޔާލު ދިނުން.

-         ބަހުސް ކުރިޔަށް ގެންދިއުން.

އެކްޓިވިޓީ 4

ސުރުޚީ: އަޑުއެހުމުގެ ދޭހަ

ގްރޭޑް: 8

މަޤުޞަދު: - އަޑުއިވޭ އެއްޗެއްގެ މައްޗަށް ބިނާކޮށް ދެވޭ ކަރުދާހުގެ މަސައްކަތް ކުރުން.

       - ޅެން އަޑުއަހައިގެން ދެވޭ 10 ސުވާލުގެ ތެރެއިން މަދުވެގެން 8 ސުވާލަށް ޖަވާބު ލިޔުން.

ގެންދާނެ ގޮތް:

- ގެންދަން އުޅެނީ އަޑުއެހުމުގެ ފިލާވަޅެއް ކަމަށާއި އަދި ހުރިހާ ކުދިންވެސް ރަނގަޅަށް ވިސްނުންތެރިކަމާއިއެކު އަޑުއެހުމަށްބުނުން. އަދި މިއަޑުއެހުމުގެ ދޭހައިގަ ކުރިއަށް ގެންދާނެ ކަންތައްތައް ކިޔައިދިނުން.  

- ފުރަތަމަ ސުވާލު ކަރުދާސް ނުދީ ޅެން އަނގަބަހުން މުދައްރިސު ކިޔައިދިނުން.

- ހުސްތަންފުރާގޮތަށް ޅެމުން ތައްޔާރުކޮށްފައިވާ ކަރުދާހެއް ކުދިންނަށް ދިނުން.

- ދެވަނަފަހަރު މުދައްރިސު ޅެން އަޑު އިއްވަމުންދާއިރު މަސައްކަތް ފުރިހަމަކުރުމަށްބުނެ ޅެން ކިޔައިދިނުން.

- ތިންވަނަފަހަރު ޅެން އަޑުއިއްވުމުގެ ކުރިން އަނެއްފުށުގައިވާ 10 ސުވާލު ކިޔާލުމަށް ބުނުން އަދި ޖަވާބު އެނގޭ ސުވާލުތަކަށް ޖަވާބު ލިޔުމަށް ބުނެ ވަގުތުކޮޅެއްދިނުން. މިފަހަރު އަޑުއިއްވާ އިރު މަދުވެގެން 8 ސުވާލުގެ ޖަވާބު ލިޔަންވާނެކަމަށް ބުނުން. އަދި ތިންވަނަފަހަރު އަޑު އިއްވުން މިފަހަރު އަޑުއަހަމުން ސުވާލުތަކުގެ ޖަވާބުހެދުމަށްބުނެ ހެއްދުން.

- ކުދިން ލިޔުނު ޖަވާބުތައް ރަނގަޅުތޯ ބެލުމަށް ޖަވާބު ކިޔައިދިނުން.

activity 3

ސުރުޚީ: މަޒުމޫނު ލިޔުން.

ގްރޭޑް: 9

މަޤުޞަދު: - ޓިއުޝަން ދިނުމަކީ ކޮންކަހަލަ ކަމެއް މި މައުޟޫއަށް ތަފާތު ނަޒަރު ތަކުން ވިސްނައިގެން މަޒުމޫނެއް ލިޔުމަށް ޕޮއިންޓު ނެގުން.

-         ތަފާތު ނަޒަރުތަކުން ވިސްނުމުގެ ޤާބިލިއްޔަތު ލިއްބައިދިނުން.

ގެންދާނެ ގޮތް:

-         ކުލާހުގެ ކުދިން 4 ގްރުޕަކަށް ބަހާލުން.

-         މަޒުމޫނު ލިޔުމަށް ޚާއްޞަކޮށްފައިވާ މަޢުޟޫ ކޮންމެ ގްރޫޕަކަށް ދިނުމަށްފަހު މަޢުޟޫއާމެދު ވިސްނާލުމަށް ވަގުތު ކޮޅެއްދިނުން.

-         މަޒުމޫނު ލިޔުމަށްޓަކައި މަޢުލޫމާތު އެއްކުރުމަށްޓަކައި ޓޯނީ ރަޔާންގެ ތަޅުދަނޑިތަކުގެ ތެރެއިން 4 ތަޅުދަނޑިއެއް ތައާރަފު ކުރުން. އަދި 4 ގުރޫޕަށް 4 ތަޅުދަނޑި ދިނުން.

-         ފުރަތަމަ ގުރޫޕަށް "ވިނަމަ ތަޅުދަނޑި" ދިނުން. މިގުރޫޕުން މަޝްވަރާ ކުރާނީ ޓިއުޝަން ދިނުމުން ކުރިމަތިވާ މައްސަލަތަކާ ބެހޭގޮތުންނެވެ. މިގޮތަށް މަޝްވަރާކޮށްގެން 5 ޕޮއިންޓު ނޯޓުކުރުވުން.

-         ދެވަނަގުރޫޕަށް "ގެއްލުންބުނެދޭ ތަޅުދަނޑި" ދިނުން. އަދިޓިއުޝަން ދިނުމުގެ ހުރި ގެއްލުންތަކާބެހޭގޮތުންމަޝްވަރާކޮށް 5 ޕޮއިންޓު ނޯޓުކުރުވުން.

-         ތިންވަނަ ގުރޫޕަށް "ތަފާތުގޮތްތަކުގެ" ތަޅުދަނޑި ދިނުން. އަދި ޓިއުޝަންނުދީ އެހެން ގޮތްގޮތުން ފެންވަރު ރަނގަޅު ކުރާނެ ގޮތުގެ މައްޗަށް މަޝްވަރާކޮށް 5 ޕޮއިންޓު ނޯޓުކުރުވުން.

-         ހަތަރުވަނަ ގުރޫޕަށް "ބިނާކުރުމުގެ" ތަޅުދަނޑި ދިނުން. އަދި ގެއްލުން ކުޑަ ގޮތަކަށް ޓިއުޝަން ދެވެން އޮތް ގޮތެއް މަޝްވަރާކޮށް 5 ޕޮއިންޓު ނޯޓުކުރުވުން.

-         ހުރިހާ ގުރޫޕުތަކެއްގެ ޕޮއިންޓު ތަކުގެ ތެރެއިން އެންމެ ރަނގަޅު މުހިންމު 5 ޕޮއިންޓު ކަނޑައެޅުން.

-         ނެގުނު 5 ޕޮއިންޓު މަޒުމޫނު ލިޔުމަށްޓަކައި ހުރިހާ ކުދިންގެ ފޮތުގައި ނޯޓު ކުރުމަށް ބުނުން.